دهستووری «یانهی چیادۆست»

1- ناوی ڕێکخراو
«یانهی چیادۆست»

2- ناوهڕۆک و مهبهست
«یانهی چیادۆست» ڕێکخراوێکه بۆ کۆ کردنهوهی ئهو کهسانهی خاوهن خولیای شاخهوانین.

3- ئهندامهتی
بوون به ئهندام له لایهن دهستهی ڕێبهری یانهوه پهسهند دهکرێت. تهمهنی ئهندامهتی له 14 ساڵ بۆ سهرهوهیه.

4- کۆبوونهوهی ساڵانه
کۆ بوونهوهی ساڵانه بهرزترین ئۆرگانی دهسهڵاته له یانهکه. ساڵانه له مانگی دوهمدا، کۆبوونهوهی ساڵانه ساز دهکرێت.

بهر له کۆبوونهوهی ساڵانه ئهم خاڵانه لهلایهن دهستهی ڕێبهرهوه ساز دهکرێن:

· بانگهێشتی ئهندامان بۆ کۆبوونهوهی ساڵانه یهک مانگ بهر له ڕۆژی کۆبوونهوه

· ڕاپۆرتی کاری ساڵانه

· ڕاپۆرتی دارایی ساڵانه

· ڕاپۆرتی چاودێریی ساڵانه له لایهن چاودێری داراییهوه

له کۆبوونهوهی ساڵانهدا

· دهستهی ڕێبهری ڕابورد له کار و بهرپرسایهتی ئازاد دهکرێت

· دهستهی ڕێبهری نوێ ههڵدهبژێرێ

· دوو چاودێر بۆ ڕێکخراوهکه دیاری دهکات

· بڕیاری ههموو گۆڕانکارییهکی گرنگ دهدرێت، بۆ نموونه گۆڕانکاریی دهستووری یانه

5- دهستهی ڕێبهر بریتیه له

· سهرۆک

· جێگری سهرۆک

· سکرتێر

· ژمێریار

· بهرپرسی بهرنامه

· 2 ئهندامی یهدهگ

6- مافی دهنگدان
له کۆبونهوهی ساڵانه و کۆبونهوهی دهستهی ڕێبهر تهنها بۆ ئهو ئهندامانهیه ئابوونهی ئهو ساڵهی دابێت.

7- ئابوونهی ئهندامهتی
ئابوونهی ئهندامهتی له کۆبونهوهی ساڵانهدا دیاری دهکرێت.

8- گۆڕانکاری له دهستووری یانهدا
گۆڕانکاری له دهستووری یانهدا تهنها له کۆبوونهوهی ساڵانهدا بڕیاری دهدرێ.

9- ههڵوهشاندنهوه.
ههڵوهشاندنهوهی یانه تهنها به دوو لهسهر سێی دهنگی بهشداربوانی کۆبوونهوهی ساڵانه دهبێ.

«...»